February 14, 2025
Karong adlawa, atong ipahinumdom nga ang tinuod nga gugma makita sa atong buhat, pagpangalagaran, ug pagtinaabangay. Ang gugma dili lamang usa ka pagbati, apan usa ka lihok nga nagsubay sa prinsipyo sa tinuod nga serbisyo ug kinasingkasing nga paningkamot alang sa kahingpitan sa atong komunidad.
Ang gugma nga atong gihatag sa atong pamilya ug higala mao ra usab ang gugma nga angay natong ihalad sa atong pinalanggang siyudad, Iligan. Ang Iligan City dili lamang usa ka dapit nga atong gipuy-an, apan usa ka pinuy-anan nga naghatag kanato og daghang oportunidad, kahigayunan, ug kasinatian nga nagpalig-on sa atong pagkatawo. Pinaagi sa panaghiusa, kita magabuhat og mga lakang nga makapalambo sa kinatibuk-ang kahimtang sa atong lungsod.
